終於再次上來這裏了, 不經不覺又是新的一年了,2012
重看以前的日記,真係很多回憶, 特別是畢業那一編, 勾起了很多很多事情
踏入了第二年的工作日子, 又是一份新工作, 新開始, 理應心存很多期盼, 但日復日的工作令人有一點兒麻木, 也許生活就是如此。不過生活中的確什麼也可以没有,唯獨希望及理想。没有了這兩樣我們根本如行屍走肉, 所以新的一年第一件事要忙的是為自己定立一連串的目標, 令來年過得更有意義。希望我們一年過得比一年有意義, 一年比一年好。
^^回看過去一年,幸好我没有失去太多, 只是有一個好朋友無故失去聯絡, 不過也就算了吧, 什麼都是相向的, 可能你已經覺得你的生活不需要有我, 也可能是太忙了.......不過只想說一句:忙並不是借口.....也請你不要對我說:我唔聯絡你你就唔識聯絡我咩?......我覺得你把自己的事看得太重要把別人的事看得太低了, 自己的受沉是如此重要, 別人的畢業就一點兒也不重要......竟然連寄給我的卡重點也是以邀請我去看你的教會畫劇為主, 而且還對我強調說: 係唔係朋友先?係就要支持?.......我真係無言了.....請問有没有想過我的感受,朋友不都是一定要見證大家生命中重要的一刻嗎?我也不是要你做一些什麼,只是希望你記得我的重要日子簡單送上小小祝福而已,但我真係想多了,畢業對我也許是重要但對你應該不值一提.........當下覺得你真係把自己的事看得太重要了, 完完全全地忽略了別人。對於這件事我真係很生氣,我相信你一定心想我也太小氣了吧,但我可以告訴你,如果我對於你這樣的一個做法都無動於充的話,我一定只是把你當作一個普通不過可有可無的朋友。
不過這一些没有和你聯絡的日子裏我想了很多,我想我們分開或者做回"普通"朋友才是最好的做法,因為我跟你的確有很多不同的地方而且說真的我們不是太夾,性格也不太一樣,價值觀也大不相同,起碼宗教信仰就是一個大大不同的地方......我想你在教會的朋友才是你真真正正的好朋友, 這樣也不錯, 最起碼你找到你的知己.....人生也不過如此...........好吧,就讓我們從頭開始,有機會的話做個朋友,没有機會的話也就不要勉強...................這也不錯~ps經過了一年的"冷靜"日子,回看當初我們是因為什麼原因而没有聯絡,我竟然没有太大感覺了, 可能我看開了,看淡了,不再生氣了.......大家在没有大家的日子裏一樣過得很好。
就讓我們不再刻意, 也希望我們可以在世界的不同角落互相為大家送上祝福，如果有一天在街上碰見也要互相say個hi, 終究我們並不是仇人。別外請原諒没有回復你那一些在節日裏群發的信息,因為我習慣了不太會回復那些繁多的群發信息,並不是針對你或生你的氣。
也許你總有一天會看見這編文章,不過我希望你是看不見的好,因為這編文章放得出來就代表是我真真正正的放下了所有事情,只是自己的一點小記錄。

http://jacso.hk/hongkonger/page/2
heee, 生活咁無聊都無咩好寫架la, 一於睇多d電影, 講多d感受先~ 大家都睇多d 電影la, haha

懶惰的我.....連上來這裏的動力也没有
每一次上來, 回首對上次來的時候.....中間真的發生了很多事....很多很多.....雖然只有短短的幾個月,但原來事情往往一下子可以立即發生, 不需要等十年八年......經歷可以是一下子,經驗也可以是一下子.........而我們往往預料不到.

生活慢慢起了些變化, 雖然感受不到, 但我相信只要時間在轉, 我們總會在變.......
工作也同樣地起了變化.....短短的半年時間....這一陣子公司來了個大改動......不管怎樣有金錢上的加幅...其他的我也就可以相對地提高...包括忍耐力及工作能力....哈哈哈哈

的確, 我對現在的工作没有多大的期盼, 我要的只是錢!

雖然我好像不被眼前的所有滿足.....但我仍然覺得現在的我們都很自由....至少我們還年輕...我們有工作....有金錢.....有時間.....有夢想.......

大家加油!

這陣子總是很頭痛...很頭痛.....
有一種快要死掉的感覺。

這陣子這個BLOG快給我遺忘了
不是太喜歡經常打BLOG, 因為每一日的工作行程不外乎那些, 有時候說得多就會變成了"煩"

這些日子, 每一天都是工作工作工作, 感覺是手頭上的工作, 什至是每一日過的日子都是没完没了。
一切都很安穩很平淡
星期一工作至星期五, 然後很快地來到星期六日, 再急速地溜走, 如是者......一切都是没完没了。

一直覺得工作苦悶....一直的唉唉唉.....但是不經不覺地現在也快三個月了, 這些都証明了一個道理: 一切都會過去的。
然而有時候的確不可以持有這種討厭反覆生活的態度, 因為生活的每一分每一秒都是找不回的, 正如我們的年齡只有向前而不會倒退, 反正就算怎樣, 生活依然, 不可能如我們所想有所改變, 所以一切都要以愉快心情面對。
這陣子我又發覺一切都要自己去爭取（不過我還是不能戰勝自己）,不可以等運到, 不可以給自己借口。
哈哈, 我的思想開始愈來愈正面^^有進步XD

畢業了

這一回真真正正地畢業了
其實心里的感覺不是太強烈, 因為好像有點不真實
回頭一看, 在讀書生涯中我是一路走過來的, 不是依靠運氣, 而是依靠堅持
我這一輩子就是英文最爛, 經歷了無數次的"肥佬", 然後又經歷了無數次的重考.......過程中....依靠的是堅持
我其實很為自己有這一個優點而自豪
因為回想起在理大的那些日子, 我和兩個朋友定下了每日困在圖書館自修AL的目標, 我們曾經說過, 永遠不會放棄....什至立下了懲罰的制度
然而, 一日一日地過去, 我們由三個人.....變成了兩個人.......然後由兩個人只剩下自己........
一個人温習的日子不容易
特別是對一個不喜歡讀書的人來說
但是幸好我没有放棄
這一點我要為自己鼓掌^^

一個學位真的可以令自己將來的路好走一些, 自出來找工作開始我明白了這一點, 畢竟社會是現實的, 當然, 一個學位同樣不代表着什麼, 矛盾吧?

畢業對我來說是對自己以及家人一個交代, 一個安慰
畢業的意義對家人遠遠比對自己來得大
這一點是我這次畢業最深的感受
看見自己的女兒穿畢業袍, 我知道老媽子心裏是十萬個開心
她的開心令我的畢業禮更有意義!

回頭看看過去三年的大學生涯
真的快樂無比
起碼見識多, 經歷多....享受的也很多
雖然在知識層面上所學到的很虛無, 但是我相信這一些虛無仍然有益於我們將來面對的事業

很懷念住hall的日子
很懷念hall里面没有時間觀念的日子
很懷念三五知已暢談至深夜的日子
很懷念上莊的日子(雖然很多pk莊員),但這足夠我記下,然後說你們一輩子!!!謝謝你們!
很懷念考試大家共同抱佛腳的日子
很懷念大家一起說別人是非的日子
很懷念一起在hall煮飯仔的日子
很懷念做presentation至深夜的日子
很懷念早上一起刷牙的日子
很懷念晚上一起沖涼的日子
很懷念大家一起到富泰食飯的日子
很懷念我們在永安廣場吹水的日子
很懷念上simon堂發夢而被問至胡亂答問題的日子
很懷念住在彩輝的日子
很懷念kai kai呀煩, haaaaa (她的事跡即將在我口中流傳一輩子,haaaaaa)
很懷念一起坐在課室上堂的日子
很懷念一起準備申請去迪迪尼, 但最後比SSC d 8婆玩到一團團的日子
很懷念當初雄心壯志地參加cosmo girl, 再無奈而失望地終結~
很懷念一起在HALL屈蛇的日子
很懷念一起在HALL扮靚參加ANNUAL DIN 的日子
很懷念楊永樂D英文令我哋爆笑的一刻
很懷念比紋身女拍牆的那一個晚上
很懷念同PK莊員吵的日子
很懷念食足兩個月的娃娃菜加褪面= =
很懷念一起在嶺南跑步的日子
很懷念一起鎖在房內看電影的日子
很懷念在彩輝看康熙"送"飯的日子
呢一世都記得呀煩深夜4點開門入黎話要拖地的一幕~
呢一世都記得呀煩以為個msn有裝web cam 而大叫的一幕~
呢一世都記得呀煩對我講: 咁我哋可以做好朋友"...........= =
呢一世都記得呀煩夜晚黑扮鬼申個頭出黎! 妖
fuck.......全部都係呀煩
.............

*對嶺南有感情之餘, 同樣對理大的讀書生涯一樣懷念~
懷念在理大讀書時遇到一位奇怪組爸, 專門問組仔女借功課
懷念在理大玩O CAMP, 有兩個人發生意外, 一個人撞駐, 一個人"BY"手....haaaaaaaaaa
懷念在理大的O CAMP玩真正的營火舞, 真的很大火!
懷念在理大上一個ACCT婆婆的堂, 完全唔知佢講咩= =
懷念在理大上一個印度女人的SEA LAW 堂, 奇怪的英文口音令幾乎半班人肥晒= =, 結果响暑假時急CALL全世界返去開緊急會議............= =
懷念在理大一起為PROFESSOR 安東尼著迷的日子
懷念在理大圖書館温書的日子
懷念理大的流沙包!!!!!!!!!!!!!!!!十分好食!
懷念一起參加STUDY TOUR 去青島的日子
懷念在青島當住當地的學生面前表演了一套令全場O咀的畫劇= =
最後十分懷念在理大參加了北京實習團
懷念在北京酒店跟服務員抗爭的日子
懷念在北京一起拎住西瓜追車的日子
懷念在北京每日坐迫爆公車的日子
懷念在宋慶齡故居一起HEA的日子
懷念在故居背稿的日子.....
...........

*真的太多太多回憶了
這一些回憶我想又是我們將來"話當年"的話題
講一世都唔會厭!^^

最後要說一說在我這4年的大學生涯中, 對我非常重要的人!

*花花~
我親愛的理大同學加朋友仔
已經諗唔起我哋係點識, 因為我同你唔係同一組O CAMP, 但唔知點解好似後尾經常一起玩。之後又一起去咗青島, 做埋ROOMMATE, 再再之後就去埋北京(但你又唔係同我哋一組)~一起日對夜對咗兩個幾月, 你係我第一個ROOMMATE!!!!!!!^^
其實我覺得我同你响青島&北京都無咁熟, 反而我哋而家漸漸熟絡咗, 就算隔咗幾個月,半年.....我哋出黎依然有好多野講, 同埋次次都你出親街都"乃野"撞到d唔應該撞到的人,haaaa。你係我响理大的重要回憶! 多謝你呀^^
我好中意你個笑容架其實, 因為你笑時好SWEET,heeeee......快d對下d男仔笑多d la, 特別係Mr NG....haaaaaaa.....同埋你個人好隨和~凡事都好易話為, good!

*黃洛衡
你應該係我响嶺南大部份的回憶,haaaa
住hall,上莊, 玩cosmo都係一起玩~好多野都係一起做, 一起經歷。三年幾乎日日都見到你, haaaa你好似已經係我日常必需品, 有事無事都會諗起你。同埋好自然地，人哋問"ivy,今日一唔一起食lunch''我會答"我唔知呀衡食唔食喎"...............因為我會把你放响第一, 只要係你話要食飯我就會推咗其他路人。三年, 三年咁就過咗la, 我哋好似各過各的生活, 我哋各自生活的透明度對大家而言低了很多~我哋對大家的了解, 呢三年就係基礎。有時我都覺得好神奇，因為一開始响hall見到你, 我就覺得同你係唔同世界的人, 但係好多野我哋都係一講即明, 唔洗解釋一大輪。講返起點樣同你做到朋友，我其實都唔記得了。我只係知道，其實你唔係人哋所諗的那一個黃洛衡, 你其實唔係只中意靚仔haaaa。可能大家都係處女座，思想上的確有一d相似。同埋我覺得你做任何野都好有熱情, haaaaa, very good!

*莉莉姐
我嶺南第一個roommate~
經常唔online~ 應該無我呢個日記~有都唔會上黎睇架la~haaaa
成日唔知去咗邊又唔中意同我哋呢d朋友仔交代下
不過你覺得快樂才是最重要吧!
我同你响year 1的那一年, 經常响hall煮野食, 呢d我都好難忘^^
同埋約埋一起瞓, 一起息燈~瞓覺我哋真係有默契,haaaaaaaaaaaaaaaaaaa

*艾美
艾美我同你同床得最多,haaaaaaaaaa.......計計埋埋你可能可以同我呀媽比呀,haaaa
同你瞓覺都幾舒服, 因為你唔會郁,哈哈, 唔會驚係床仆落黎
艾美你呢d係天生的讀書料, 其實我覺得你係應該讀上去, 做下professor, 幾好呀d生活, 正!
heee, 我都好miss你同你個朋友呀may~


*mabel 小姐
無咩係hall出現過= =....就算住hall時期都返屋企~heeee
你錯過咗好多呀!!!!mabel其實都少同我哋玩一開始, 後尾唔記得係點同我哋熟咗haaaaa, 又一起上hea莊, 呢個hea莊講返起, 我完全唔知做過d咩????haaaa.....摺咗其實都係一件好事黎ge~kaka
你對會計咁堅持, 我諗你一定可以做到一個真真正正的會計c!!!加油~

*呀悅
你係我大學第二年的回憶,hee
彩暉係我哋呢一世都唔會忘記的地方, 因為呢個地方真係好多怪人,haaaaaaa
我覺得我哋ge所見所聞由第一日睇樓開始就充滿戲劇性, haaaaaa
一個呀煩令我哋對彩暉又愛又恨~ 其實我覺得我係彩暉的日子, 雖然大家住埋同一間屋,但係我其實唔係太了解你, 因為我覺得我同你好似唔係同一個世界的人, 你係彩色, 我係黑白, haaaa......可能係因為咁我就無去主動深入研究你la, haaaa......了解你應該係呢一年的事, 我開始明白你諗咩....可能係你的彩色世界裏出現了灰色地帶, 讓我有少少位入到去哈哈哈
呀悅你永遠都係一個好幫得手的人呀!!!!!!!你塊面寫咗"幫得手"呢三隻字kaka

*魚自由
同你係year 3先識, 之前都唔係好記得你呢個人,haaaaa
响year3仲可以識到一個良朋真係一件唔錯的事,heeee......我哋一起返學, 放學...好在係year3呢個日日要來往hung hom同TM的長途車裏間唔中有你的陪伴~ 同埋year3 我哋又有好多堂係一起上, 所以year3一樣過得快樂^^
魚自由你個笑聲超大聲...haaaaa......第一次聽到你笑, 我都幾震撼, 因為我覺得等你第時做咗c奶會好似花c奶同佢d 朋友咁笑法...haaaaaaaaaaaaaaaaaaaaaaaaaaaaaaaaaaaaaaaa
你都好重情重義的人, 我好中意呢d人~ yeah~

(以上次序以相識先後排列haaaaa)


最後我想講一講自己
我有時都覺得自己的確難相處
因為我做人可能有太多的堅持 = =係好係壞我都唔知, 我只係知道好難改~
例如 應該好多人知道我唔中意人哋遲到, 我由細到大, 人哋一遲到我就會黑面....唔gur.....所以我唔係特登西你哋面架>< 我個人都好憎人hea人, 憎人假, 憎人唔frd扮frd, 憎麻煩友---->不過我諗無咩人會中意呢d,kaaaa
我個人外表係生得衰d, 我都知....太唔親民la, 但係我依然有一顆火辣辣的心架!!!haaaaaaaaa
我個人唔係一個"姑寒"的人, 可能有時人哋幫我比錢我會即刻問幾多錢呀我比返你, or有時我會問呢樣野幾錢呀, 問問問......唔係因為我驚死洗錢, 而係有時有必要清清楚楚知道你買的東西是什麼, 也有必要快d比返d錢人, 如果唔係會唔記得~錢花得開心,多多都值~
我個人唔係對事情漠不關心, 而只係我無講出黎, 我有自己的諗法, 但好多野都其實真係唔覺得下下都要同人交代, 除非事情同對方有關連~
我個人一向唔中意講私人野, 因為同其他人無關, 我只會同朋友交代, 唔好認為我係冷血動物,haaa
我個人係少cry同埋唔中意係人哋面前cry, 唔係唔識cry!我都係人黎架大佬~
我個人係灰d, 但係我其實係灰得都幾正常都大道理地灰, 唔好歧視我呀!!!
我個人係有少少陰謀論, 但是我對朋友只要係一開始有個"信",我會信到底, 除非比我發現你出賣我, 否則我唔會無啦啦用陰謀論係你身上,haaaaaaaaa唔洗驚~何況我d陰謀論係準架, haaa
我個人就算開心到fly起的事我都會收埋係個心里面, 唔太會表現得太出, 所以唔好以為我成日無咩表情,or成日覺得送野比我都唔係好見我笑到4萬咁口, 開心我係記住架! 呢一世~
我的確有時講野係有一個毛病, 就係講野一兩句, 因為我prefer人哋會同我一樣, 一聽即明, 但係我發覺事實唔係= =.....結果我見到好多人聽完我講ge野都會好多個問號係頭頂~呢個時候我會解釋, 但係有時有d人唔會表演出黎就諗錯隔離, 咁我就往往食晒蕉~比人判咗死刑 (不過係朋友的就應該問多句confirm下, 唔會自己胡亂猜測)

*差唔多la, 呢d都係以我以往的經驗, 身邊的人對我的疑團, 我一次過同我D朋友仔講晒!!!!yeah~d 路人我唔care, 唔解釋咁多la, 你哋係唔同ge!!!!!!!!!!^^

可能之後的日子大家會無咁經常見到面, 但係我一定唔會忘記你哋!!!!!!!!!!!呢一世

早一陣子還看了<唐山>
情節比我想像中少了一分催情, 但特技比我想像中來得驚喜~
很多人都說看了令他們哭個不停
而事實上, 我最受不了的一個鏡頭是當母女相認時, 媽媽跪着求女兒原諒她><......這個鏡頭真的令人淚如泉水~
其實看這套電影的其中一個原因是因為有陳道明,heeeee.....很喜歡他~可惜他不是主角,没有發揮的機會~
我覺得<唐山>的催淚技巧太含蓄,haaaaa~可以再勁d!!!!